Ntima

Kusuka e Wikipedia
Tlulela eka: Xikomba-ndlela, Lava
Riqingo ra muhlovo wa ntima ra malembe ya va 1940
Movha wa muhlovo wa ntima wa Ford, hi lembe ra 1920

Ntima i muhlovo wa xinyami, lowu vangiwaka hi kupfumaleka kumbe ku koka rivoningo hinkwaro.[1] Muhlovo lowu hakanyingi wu yimela xinyami, kasi muhlovo wo basa wu yimela rivoningo.[2]

Mafurha ya muchini wo tsala, ya muvala wa ntima matirhisiwa ngopfu ku pfapfarhuta tibuku, maphephahungu na man'wana matsalwa hikwalaho ka leswi muhlovo wa ntima wu vonakaka ngopfu eka phepha ro basa. Thlandla-kambirhi, maletere ya muhlovo wa ntima hiwona matirhisiwaka ngopfu eka tikhompuyuta to tala.[3] Kasi wuthlela wutirhisiwa kuhlanganisa na mihlovo ya Wasi-wa lwandle na Halandi ku endla mihlovo yo dzindza.

Muhlovo wa ntima na wo basa, yitirhisiwa ngopfu ku hlamusela ku hambana, kufana na ntiyiso na ku Honisa, Vunene na vubihi, "Nguva ya xinyami" na "Nguva ya rivoningo". Kusukela eka nguva ya lexikarhi muhlovo wa ntima wu voniwa tani hi muhlovo wo chaviseka na vulawuri, hiswona leswi endleke leswaku kufikela namunthla Va-avanyisi na va Majistreti va ha ambala sw'ambalo swa muhlovo lowu.[2]

Muhlovo wantima i wun'wana wa mihlovo yo sungula leyi a yitirhisiwa hi vanhu vakhala lava ava tshama emabakwini. Hi lembe-xidzana ra vu 14, wusungule ku mbariwa hi vale vuhosini, vafundhisi, Va-avanyisi na va tirhi va mfumo etindzhawini to tala ta tiko-nkulu ra Yuropa. Wuthlele wuva muhlovo lowu mbariwaka hi vathlokovetseri va vanghezi, van'wamabindzu na vafumi eka lembe-xidzana ra vu 19, naswona wutirhisiwa ngopfu eka ma ambalele ya lembe-xidzana ra vu 20.[2]

Eka mfumo wa Varhoma, wuve muhlovo wa vakhandli vanhlonge, naswona wuthlela wu yelanisiwa na rifu, vubihi na vuloyi. Hikuya hi swivutisa mani e matikweni-nkulu ya Yuropa na Amerikha wa le N'walungu, imuhlovo lowu yelanisiwaka na vakhandli va nhlonge, Makumo, Swihundla, Masaramusi, Matimba, Madzolonga, Vuhomboloki, na Ximfumo.[4]

Minthsaho[Lulamisa | edit source]

  1. "Definition of achromatic". Free Dictionary. Retrieved August 30, 2015. 
  2. 2.0 2.1 2.2 Heller 2009, pp. 105–26.
  3. Heller, Eva, Psychologie de la couleur – effets et symboliques (2009), p. 126
  4. Eva Heller (2000), Psychologie de la couleur – effets et symboliques, pp. 105–27.